عندتس عآهات وطقوووس غريبه ( تفضلن وإسدحهن فيذا )
يسعدلي صباحكن+ مسائكن
اولاً : وأخيراً تركت هالزواله اللي متجمعه فيني منذو قرون من الزمن
كل ماجيت أبي اكتب موضوع اتعيجز
ثانياً : انا وحدهـ فاشله بــ كتابة المقدمات ، لذا رَإحَ ادخل بــ الموضوووع على طوووول !
قبل فترهـ كنت أكلم صديقتي واسولف معها ومسترسله بالحتسي
شوي قالت لي : تدِرِيےُ.ن انتس كائن غريب
قلت : ورا
قالت عليتس طقوس وعادات مدري وش تبي وجلست تعد علي بعض الأشياء اللي تعرفها عني وتشوفها غريبه مع أني أبد احس اني طبيعيه واهبل
ومااشكي من شئ
قبل مااكب عفشي واعلمكم شنهي طقوسي ،
خلِنيْےّ اول شئ اعلم هالمفهيين وش معني طقوووس وعادات
الطقوس هي : اللي احنا نظن أنها أشياء عُاَدّيَےّه ونسويها بشكل طبيعي مع العلم أن محد يسويها غيرنا ولو شافنا أو سمع عن اللي نسويه أحد غريب
بيستنكر ويقول الحمدلله والشكر مثل صديقتي
نجي لــطقوسي وعاهاتي
1)
عاهة الشواحن والأسلاك
[إذا كنت معصبه احب إحَطَط حرتي بالشواحن واعضعض اسسلاك التيلفون
قضيت علي شواحن البيت ، الله من كم شاحن قطططططعته وانلعنت وتهزأت بس مافي فايده
إهُلّيےّ صارو مايزعلوني / عشان مااقطع الشواحن
اشوفها وسيله جَميلَۂ لتفريغ الضغط والكبت اللي فيني ،
< فارهـ ماهيب ادميه
2)
عاهات ماقبل النوم
1/ أنا وحد مستحيل أنام ويدي أو رجلي طالعه من السرير
قسم بـ الله لو أحس وأنا نايمة إنها طلعت من جنب أنقز متروعه ولا أرجع أنام
2/ مااعرف انام الا وأنا طاقققققققققتن الكشخه وعلى سنقة عشره
إحَطَ كحل ومسكرهـ وروج وابدا ارشرش بالعطر ، همن امسك فراشي واخمد
المشگلـَہ احلامي گلـَہن كوابيس يعني حرام ماييسوي هالكشخه تروح ع الفاضي
3/ مااعرف انام الا وشعري مفتوح ، ودايم اعاني ، خصوصاً إذا كآنت بنت اختي نايمه جنبي
اقوم من عززززززز النوم بس عشان اسحب شعري من تحت راسها
وعلى سيرة شعري انا عاقده مع شعري قصة عشق
دايم احب ابووس اطرافه واطق حنك معه
احس اني كل ماكنت حبيبه مع شعري كل ماصار شعري طويل وزين وماعاد يتساقط < مريضه
4/ مستحيل انام وأنا مو لابسه شُراب
صيف شتاء اتصبصب عرق مو شغلي
مافي شُراب مافي نوم
5/ ماأقدر انام بـ الغرفة وبابها مفتوح ،أحس كنّي بالشارع مب بـ غرفتي إذا كان الباب مب مسكّر
3)
عاهآت عند ركوب السياره
ماأحب أركب قدّام إذا ركبت قدام أجلس أهوجس طول الطريق وأحس انّ اللي يسوق بـ يسوّي حادث
ألعن ألعن شئ إذا ركبت السياره مع واحد ثرثار
مااحب الهذره بالسياره احب التزم الصممممممت
إذا كان الطريق طووووووووويل لازم اشغل ابونوره واعيش جو فضيع
اذا كان الطريق قصير ع الاف ام وبس انطموو ياللي بالسياره لحد يهذر معي
دايم تصيبني حالة سرحان بالسياره
احب آطالع بالناس وآجلس افگُرٍ في كل شخص واحلل شخصيته (يَ ترى وش آسمه وين مولود فيه وش المصائب اللي مرت بحياته ) < وش دخلني بــ الاوادم
مدري
وبعد آحب آعد السيارات، آعد الناس اللي تمشي ،آي شي قابل للعد آعده < الله يخلف علي
4)
وسواس النظافه
إذا جينا نسافر لمكآن لآزم آخذ معي بطآنيه + غطآ مخده < أبد ماقد تهزأت عشان عفشها
أكره شراشف وبطآنيات الفنادق
أربع وعشرين ساعه أغسل يدي ، حتى لو شربت عصير اروح اغسل يدي وارجع
شنطتي لاتخلو من ( كلينكس ، معقم يدين ) < أحس اني وصخه من غيرهن
عادات متنوعه
اذا كنت ماشيه مثلا على رخام او بلاط احاول ماتلمس رجليني حواف الرخام لازم فالنص
إذا كنت أسولف مع شخص لازم يحط عينه بعيني ولامااكمل السالفه
اذا كنت أسولف مع شخص لازم يحط عينه بـ عيني والا ماكمل السالفه
أذا كنت اسولف مع شخص كبير وضايقني كلامه ، اجلس اطقطق اصابعي واهز رجلي لين ينقلع
اخوي الصغير / ماينام الا وهو ساجد
تجيه يمين تجيه يسار يقوم من نومه يسجد وينام ههۂۂۂ
مدري ماينخنق ماينكتم الله يشفيه بس < عايله گلـَہا عاهات
صديقتي / ماتنام الا على صووت المكيف ، لو انها بعز البرد لازم المكيف شغال والا ماتنام
||
وبسس تعبت من الهذرهـ : الموضوع بين يديكم عطونا عاداتكم طقوسكم طبايعكم الغريبه طقوس اهلكم وربعكم خلونا نتبادل الثقافات والشسمه ودنا نعرف
أغرب السلوكيات والعادات اللي تمارسوها
لحد يرد بﯿڛـڶمَـۅَوو / والموضوع زين ترا بتطاقق معه
ايه وشسمه لاتنسسون ترقصوني ب(تقيم) ^
رافقتن السَلإمَه ^
موضوع: عندك عآهات وطقوووس غريبه ( تفضل وإسدحها فيذا ) 